E MIROMWEAK
E miromweak, nipi ni ka itotiskemakak, tepirak tca mia ko ka kockowok isparin, kockowoparin* kata ki itaniwon (e kockowok tca « gaz » icinikatew nihe ka icpictamakak). E miromweak, irikik ni e kockowoparik icpimik, ititamowinik*. Kotc tca e aitotcikatek kekotc e aitotiskaniwok mikiwamik (mitowi e kisisipasonaniwok, e kisisipatcikaniwok...) ekota ni wetciparik ka miromweak.
	ITE WETCIPARIK E MIROMWEAK MIKIWAMIK

	ITE KAIE KE KI OTCIPARIK E MIROMWEAK
	Mocak tca memantcic miromweaw pitakamik mikiwamik tepirak e reraniwok. Aniki ka taciketcik neta mikiwamik tato kickwa kata ki totamok kitci miromwearik 10 kekotc 50 tato kwapahikan irikik kitci nipiwotamoterik.
	TANTE E ICAMAKAK KA MIROMWEAK PITAKAMIK?
	Icpimik icamakan e miromweak kecpin aka e miroweparik pitakamik. Kecpin e cetitakaniwok osapiwakana, pe pitakeroweparin orowitamik ititamowin minawatc pitakamik ititamowin e miromweak orowiparin. Enko ni ka itaniwok meckotciroweparitcikaniwon* e cetitakaniwok osapiwakan. KOTCITAKW: e kisinak kekotc takaiak, cenamok osapiwakan icitcitcerikw icpimik nimawatc nitc. Ki ka kiskeritenawaw pitoc e icitamotek. Peikon kaie misiwokiwamik e ickwa kisisipasonaniwok: micta miromweaw. Kecpin e matceparihakaniwitc tetipactcitcikan, orowiactan ititamowin acitc e miromweak. Enko ni ka itwaniwok orowiactcitcikaniwon.
	KEKWAN WETCI MANA TOTCIKATEK AKA KITCI MIROMWEAK MIKIWAMIK ?
	E miromweak pitakamik mikiwamik matci pitoc ici atciwoparin e apwitamotek ka itwaniwok. Kecpin ka kockowoparik e iti nipiwok, apwitamotew* itwaniwon. Osapiwakan e apwiparik kekotc waopimetak* misiwokiwamik e ickwa kisisipasonaniwok, nipi ni nihe. Nihe ka nipiwok enko ni ka itwaniwok apwitamotew. Matci kata ki apwitamotew atamitak e takitakak, waopimetak orowitamik ka ici mitakak, icpimitak* kaie piwapiskok takikamapo ka ici macikowik. Kecpin e kicitamotek* acitc e miromweak ekoni e iti apwipariki kekocica e takaki. Patam kaskina wiec pitakamik mikiwamik tapickotc kata asitci kicitew. Kecpin ka kicitamotek takitike e ici takitamotek ekoni kitci apwitamotek ka ici takaiak.
	TANTE E ICAMAKAK NIHE NIPI?
	Kecpin e nipiwotamotek ekoni e nipiwopariki kekocica, mitowi waopimetak, kekocica ka mictikowoki, micta tetapiwakana, pakiwanica acitc aspisitecimona. Matci kata kotawoctamakon motcitak matci kaie pacitc asinikanicicik misiwokiwamik ka aikockina-kaniwitcik. Matci kaie mitcimik e ki ickotcikatek, okitc askikowocik* e ki actakaniwok kata ki ici kotawoctamakon nihe nipi acitc wepinasoniwocik. Kecpin aspinikotc e apwitamotek nac iti nokon e akwakoctik wiec. Kekocic e akwakoctik nac iti maratan.
	KEKWAN NI KA AKWAKOCTIK KA ITWANIWOK?
	*E icinakok e akwakoctik, mia ni okwakotocicicak e micta kice apicicitcik (nama ki wapamakaniwiwok) arimatc tca kata nipiwiwok kitci ki matcekitcik*. E miromweak tca micta miro matcekiwok aniki akwakotocicicak. Iti mitcetiwok e iti orowictamokoki anihi “spores” ka icinikatek e emitikowicimonaniwok. (Anihi tca “spores” ka icinikatek mitowi “pollen” ka icinikatek wapikonik ka otciparik kitci nitawikiki kotakihi wapikonia). Anihi tca “spores” ka icinikatek koctatikon kitci otci akosinaniwok, matci kirikickakoniwon, matci mamitawotamonaniwon kekotc kimotamiparinaniwon. Awacak acitc kice iriniwok otci kirawe koctatikoniw. Kotak kaie kekocic. Anihi ka ki apataki e manikaniwok, takon neta kekocica aka e mirwacik kirano otci (mitowi akokasikan). Kecpin e akwakoctiki anihi irapatcitcikana ka ki manikewakaniwok, orowictamakon anihi aka ka mirwaciki matci kata ki akosinaniwon e miratcikatek. Mitowi anihi “les spores” ka icinikateki matci kaskina wiec kata ki aitapinaniwon, kata ki tewoskwaniwon acitc kata ki cecikokwehaniwon. Nama tca mirwacin kirano otci kecpin e akwakoctiki kekocica mikiwamik. Iti maratano irapatcitcikana ka ki manikewakaniwok acitc mitcima iti maratan. Matci kaskina wiec kata ki itapinaniwon kecpin e miratcikatek anihi ka marataki. Nama ni wirata wiec kecpin tepirak e miromweak memantcic. Kecpin aric osam nipara e miromweak ekoni e iti apwitamotek. Kek iti akwakoctin kecpin kinec e apwitamotek. Ekoni e iti maratak irapatcitcikana ka ki manikewakaniwok nac tca iti akosinaniwon. Ekoni wetci itwaniwok kitci nanakatcitakaniwok aka kitci osami miromweak mikiwamik.
	KE KI TOTCIKATEK
	Nipi ka itotiskemakak wetci awocamec iti akwakoctik wiec. Kecpin e micta miromweak, eckam iti akwakoctin. Kecpin aric e pactetamotek, nama awocamec kata ki iti micaw e akwakoctik. E PACTETAMOTEK(1) = nama kata ki akwakoctin* E MICTA MIROMWEAK = matci kata ki akwakoctin _{(1) Pactetamotew ka itwaniwok, aka ni tapwe e miromweak pitakamik mikiwamik ekotca aka ke ki akwakoctik acitc aka kitci ki tatcik mantcocicicak. Nama aric ko tekaci pactetamotew, mocak wirata memantcic miromweaw ititamowin.} Kitci ki aka akwakoctik patima mocak kata pactetamotew mikiwanik : e nanakatcitakaniwok aka kitci miromweak e meckotciroweparitcikaniwok e orowiactcitcikaniwok mocak e kisisipatakaniwok mikiwam.