E MIROMWEAK
KA MIROMWEAPAHIKETC ACITC E PACTETAMOTEK
E pipok, kecpin e osami pactetamotek pitakamik atita miparihewok ka miromweapahikeritci*. Naha ka miromweapahiketc nipi neta actakaniwon iti tca kicakamitew, ekotca e micta miromweak pitakamik. Kecpin aric e micta pactetamotek pitakamik aka tca e ki miro reraniwok, nama ni tepirak aka e tipi miromweak pitakamik.

ITE WETCIPARIK E PACTETAMOTEK PITAKAMIK MIKIWAMIK
 
Aspisitecimonik* acitc micta tetapiwakanik (polyester, nylon,..)
  • Ekota wetciparik ka kiskimiparinaniwok ko e takickikateki anihi. Misawatc e miparihakaniwitc ka miromweapahiketc peikon ekoni ke isparik kitci kiskimiparinaniwok e takickikatek kekocic.

    • Ke ki totcikatek : Takon e atawaniwok kekocic ke ki asonipatahikateki aspisitecimona kaie micta tetapiwakana aka kitci kiskimiparinaniwok e takickikateki (anti-statique) kekotc nihe kata ki actakaniwon « ioniseur » ka icinikatcikatek.


E akwapitek osam e sakosaniwok kekotc kisapiskisikanik e otapitek.

  • Iti takon ka pamactak* ititamowinik aka e mirwacik e ispotatcikatek* nama tca ki miro reraniwon (kaie tca iti icinakon kitci kiskimiparinaniwok). Misawatc e miromweak peikon ekoni e isparik.

    • Ke ki totcikatek : Patam kata orowiactitaniwon e akwapitek e cetitakaniwok osapiwakana.


Aka e ki otci miro kicotakinikaniwok* kekotc e pikotakiparik mikiwam kaie osapiwakana aka e ki otci aspihikateki* kekotc ickwatem e towiroweak*.

  • Ka takitamotek* kirawe pactew patoc ka kicitamotek*. Aka e ki otci kicotakinikaniwok acitc aka e aspahikateki osapiwakana kekotc e pikotakiparik wiec acitc ickwatem e towiroweak e pipok, pe pitakeparin e takitamotek ekotca e micta pactetamotek pitakamik, nama ni ata aka e tipi miromweak mikiwamik.

    • Ke ki totcikatek : Patam kata kicotakinikaniwon, kata citakaniwon ka pikotakiparik, kata aspahikatew osapiwakana, kata ocitakaniwon ickwatem kekotc kata aspahikatew taci e ici towiroweak.

ITE KAIE KE KI OTCIPARIK
 
Ickoteapo e minikwaniwok, pasonaniwon ka itwaniwok ekotca e micta pakatamonaniwok.
    • Ke ki totcikatek : Aka e ickoteapowok kekocic minikwekw. Aka awocamec minikwekw ickoteapo.


Atita mickikia.

    E kipiskiwonaniwok mickiki ka apatak acitc e akosikotcickwaniwok e otakikominaniwok, kecpin osam mitcet kickwa e apatcitakaniwok nama mirwacin, kirawe nama ki miro reraniwok.

    • Ke ki totcikatek : Mickiki iriniw natawapamakw kitci nanto kiskerimikoekw kekwan mia ka itotiskemakak wetci kipiskiwoneekw acitc akosikotcickeekw. Notcimi mickiki ki ka ki natokohotisowakanawaw, mitowi papaskiw*.

     

  • Pakiwanic pitoc ka itekak akwapite
  • Aka wewerita e kiconikaniwok
  • Ickoteapo
  • Mickikia
    •      		Kaskina nihi ka isparik, namaiew e rikitakaniwok kitci miromweak ke miroparik.

    Ke ki totcikatek aka wiec kitci itakitakok :
    aka kitci kipiskiwonaniwok, ispotatamok kikotiwak memantcic nipi minawatc pakitatamok. Kirawe kiapatc kata miroparin copecteapo totamekwe acitc memantcic ciwotakan actaekwe.

OTCITAKOTC ANI APATISIW KA MIROMWEAPAHIKETC E PIPOK ?
 
Ite e otci kiskeritakok e pactetamotek mikiwamik e pipok:
  • nama apwiparin osapiwakan;
  • nama wiec akwakoctin;
  • nama awocamec 20% irikik asitci miromweaw pitakamik.
  • Matci kata ki nanakatcitakaniwon e asitci miromweak « hygromètre » e apatcihakaniwitc.

    • E isparitc ka miromweapahiketc

    e kockowoparik nipi

    E otci pitakeactek

    		 Kecpin kaskine nihi e isparik, matci ka ki apatisiw ka miromweapahiketc.
    Aric, arimatc :
    1. Tato kickwa kata atcitakaniwon nipi.
    2. Tato manactakana kata kisisiparakaniwiw « javex » kitci totcikatek.
     Ekota nipik ke otci nitawikik « bactéries » ka icinikatek kecpin aka tato kickwa atcitakaniwoke nipi.

    Micta nipara kockowoparin kecpin e miparitc ka miromweapahiketc. Aka kitci ki nitawikitcik manitcocicicak*, nama ka apatcihakaniwiw ka miromweapahiketc.

    Aka ni totcikateke kata maratakamin nipi ekotca aka ke mirwacik ititamowin. Ekotca atcikotc ke akosinaniwok.

    Aka e kisisiparakaniwitc ka miromweapahiketc matci kata ki akosiw awik opanik matci kaie kata nipahiko.

    Taw kotak ka miromweapahiketc pitoc e icinakositc aka e kicakamisawetc. Peikon ke totcikatek e kisisiparakaniwitc.