Mantcocicicak ka micta kice apicicitcik
« acariens » ka icinikataka takaniwitcik mitowihik ni ehepikok. Nama ki wapamakaniwiwok osam e micta kice apicicitcik (0,15mm nac 0,5 mm itikitiwok e tipohwakaniwitcik) E ici kiciterik acitc miromwearik ici tawok, nama awocamec 1,500 m e asiti icpatanak ici tawok. Niarano kekotc nikotwaso pisimw irikik matisiwok. Aci micta kice weckat ka otci tatcik, 400 « millions » tato pipona wiec, Mocak ni tawok taci e pimatisinaniwonik.

Atita iriniwok nama wiec totakowok anihi mantcocicica, kotakihik aric akohokowok, mitowi aniki ka kimotamoparitcik ko
« asthme » ka itwaniwok kaie kotakihik «rhinites» ka itwaniwok ka itapinetcik. Ekoni wetci itwaniwok kitci nanakatcita-kaniwok aka orina kitci mitcetitcik.

Nicwek pitoc icinakosiwok aniki mantcocicicak: aniki pitakamik ka tatcik, mirikosik ka ici tatcik acitc aniki ka ici nahikasonaniwonik mitowi actasoniwocik, mikiwamicicik. Aniki pitakamik mikiwamik ka tatcik, mirikosik ici tawok.

Taci e taciketcik acitc e ici pimatisitcik mantcocicicak	ke totcikatek aka orina kitci mitcetitcik
Tato kickwa iriniwok manipaririwa menantcic ocakaiwawa, kaie wirawaw awesisak, enkoweriw tca ka mowatcik aniki mantcocicicak. Ite e ici taciketcik aniki mantcocicicak : nipakanatikok, micta tetapiwakanik, aspisitecimonik, maskokanicicik kekotc atimokanicicik, wikasik.	Tato 15 kickwa kisisipatakw wapowana, ka wepahikeparik miparitakw apicimonik, kisisipatakw aspisitecimon kisipekanikan kitci apatcihekw. E micta kicakamitek nipi totamokw, enkoweriw ka nipahikotcik mantcocicicak ( peikon aric manapaweriw takikimapok owawimiwaw acitc omeiwaw). Akwekahikana kaie kisisipatakw, actasoniwoca kaie... Pitoc e itekak wapowana apatcitakw « Synthétique » ka itwaniwok (apicimon, apikwecimon, acitc mikoni wapowana ) aka risosowapi e ki apatak e ocitakaniwok wapowana apatcitakw, aka kaie e mikoniwok acitc aka e rikasimonekinociwok. Wikowekinakw apicimon aka kitci tatcik mantcociciak. Kecpin awik aka e mirockakotc mantcocicica, mocak wepahikekw aka kitci mirikosiwok, maninamokw aspisitecimon acitc metowana ka opiwawoki, kirawe ma neta otaricapimik.
Niheriw kaie mitciwok pinipowininiw, ripromaciriw, napanewa wawatc mirikosiriw.	Aka mitcisokw nipakanatikok aka kitci pinipoekw. Mocak wepahamokw e piniponaniwok wiec.
Nama ni aniki mantcocicicak ka akohiwetcik, aniheriw ni owawimiwaw acitc omeiwaw ka akohiwemakanik. E osami kicitek pitakamik mikiwamik, enko ni nihi ka iti mirikosiwoki nac tca iti pamactan neta pitakamik.	Mocak orowiactitakw e mirikosiwok pitakamik mikiwamik acitc orowitimik akotinasok (aka awocamec 10 e asitci kiciterik nipowok aniki mantcocicicak)
Nitawikiwok acitc pimatisiwok kecpin awocamec 20 kekotc 30 e asitci kiciterik, acitc 55% kekotc 85% e asitci miromwearik. Awocamec e miromweak, awocamec mitcisowok aniki mantcocicicak. Kirawe tca misiwok ekotca kirawe e akosinaniwonik.	Aka orina kitci miromweak pitakamik. Aka apatcihakw ka miromweapahiketc.